80後打工仔走韓水貨化妝品 創業半年賺6位數
80後梁顯聰（Saito）做了打工仔七年，當過侍應、司機，最後一份工是在某大型連鎖化妝品店任推銷員，2015年毅然創業，最初賣水貨韓國化妝品，開業半年便賺6位數，至今已經開了三間門市，有自己代理的產品。男人賣護膚品不算罕見，而成功除了要有「神農氏」精神，親自試用各品牌產品，更要懂得把握危機，Saito就因一封律師信，轉危為無限商機。
記者陳雪玲
Saito的公司主要出售韓國產品，亦有部份來自日本、歐洲等。他笑言加入美容化妝行業，因為護膚品是女士的必需品，「天氣乾女仔會搽面，經濟幾差，佢塊面都會乾」。
創業前在某大型連鎖化妝品店工作，他憶述該公司曾推出一款面膜，中國製造，估計成本只需約20元，但當時售價卻逾600元：「當我賣咗六盒，已經有三個客回頭話敏感，退錢或者換貨。一個良心嘅問題：我點解要幫一間公司賣啲唔好嘅嘢比個客﹖我可以賣一啲好嘅畀個客，點解我自己唔開（公司）？」
開業初期，他視乎網上哪一款產品熱賣就入貨，客人會追問產品質素，他索性親身試用，「如果發覺啲客話唔好用，寧願擺喺度，又或者送畀客都唔會賣。」他又看準KOL在網絡的影響力，主動與不同美容達人、明星、歌手合作，試用及推介產品，成功將新興品牌打入香港市場。
幾乎傾盡積蓄，2015年以60萬在將軍澳開第一間門市，Saito自言一開始只賺到自己份糧，三、四萬左右，守業半年漸見起色，轉捩點由一封律師信說起。
他說，當時有某家代理意大利品牌的公司向他發信，指他出售的同款產品，有違商標註冊，又在官網指他「賣假貨」，「我哋冇經香港代理，係直接問韓國代理總公司拎貨，返來有單有據，香港代理話我哋賣假貨，我將入貨單同韓國公司對話，喺佢官網貼出來……到最後一次同佢有直接衝突，係佢叫海關去我將軍澳鋪頭Check貨，海關要我提供單據，我提供到，我再同海關哥哥影張相，放喺facebook」，此事反而令他在業界名氣飆升：「呢單嘢嘅網上言論，令我喺同行爆紅，個個都識我公司個名，唔係佢，我都冇今日，多謝佢。」
近年內地自由行銳減，零售業首當其衝，但Saito的銷售以本地客為主，內地人佔不足5%，他明言，不想被內地客牽著鼻子走；專做港女生意殺出血路的他，下個目標是兩年內將門市增至12間。
