黃翊傳經營街市大排檔秘笈 有幾樣嘢一定要留意
31.05.2017
黃翊與姊姊在大埔經營的三小姐海鮮小菜十多年，一直深受街坊支持。他就表示自己之前都沒有接觸飲食業，現時都是擔任樓面工作，「得閒鬧吓人練中氣」，但多年來，自有一套經營之道。
他表示，選擇政府街市大排檔，最大好處就是租金：「我有啲朋友，喺街舖，可能第一張合約就五萬蚊租，但第二張合約已經要十萬，所以嗰啲（舖）真係做唔到，但政府大樓就唔會有依個情況。」他補充政府不時都會公開競投大排檔舖位，想創業的人就要不時留意。
黃翊補充，大排檔選的位置都非常重要：「每個位置都有好處壞處，可能中間都有很多客，但單邊嘅話，位置就會多啲。但最重要就是食物的水準，做得好維持到的話就完全沒有問題，我們有更加多位置，做生意就可以更加好。」現時黃翊的食店已擴充至兩個舖位，可容納十多張桌子，月租約十三萬。
他又指，店舖旁做怎麼生意同樣重要：「好似係做lunch，人哋做晚市，你就可以佔用佢嘅位置，你就可以有著數。」賣怎麼食物同樣要考慮：「人哋賣魚蛋粉，你就不好再賣，可以賣飯、飲品，客人只係食魚蛋粉唔夠，仲會想要飲品，佢哋就有可能點飲品到佢哋的枱上。」
資料來源: 壹週Plus
