「箭」地培訓 吸團體客
攻防箭這個遊戲來自美國，原名叫「Master Archer」，結合躲避球及war game的元素組成。在14年上映的電影《飢餓遊戲》內，金像影后珍妮花羅倫絲（Jennifer Lawrence）飾演一位神箭手，角色爆紅，連帶令這套遊戲食到潮流而流行起來。今年32歲的Guy和拍檔Jason成功取得開發商授權，將遊戲帶入香港。看似簡單的一個game，背後卻是大學問，無論創意、構思、細節都要兼顧，成功得到玩者及客戶的芳心，吸引不少公司及學校等團體客來打這場心理「箭」，進行團隊培訓。
本來從事IT業的Guy，為了圓自己最喜愛的遊戲夢，與宿友一起創業。
採訪當日，Guy到學校教玩攻防箭來訓練領袖生，目的是讓他們彼此認識，增加默契。Guy把他們分成兩組，在限時內射中對方成員可得1分，兼趕後者出場換隊員，射甩靶則可得2分，得到最多分的一組便為勝方。「每隊嘅成員都要構思點樣去佈陣、射靶定射人去得分，大家要互動合作，從而建立團隊精神。」
採訪當日，Master Edutainment的一眾教練，到一所中學教玩攻防箭，來培訓學校的領袖生。
攻防箭可因應不同客戶，設計成不同的玩法。如其中一個玩者由箭手改為醫生，當有玩者中箭後，他不用被換出，而是被醫生拍3下拯救。Guy說：「公司活動經常用呢個玩法，會要求隊員去為其他人擋箭，及其他隊員嘅支援，好講求團隊之間嘅合作性。」
未玩攻防箭，先練習射箭。
團體客佔8成
目前團體客佔大部分生意，學校及NGO逾5成，另公司及企業客約佔3成，其他是組隊來玩的散客。Guy說：「公司企業客戶要求高漲嘅氣氛，最好將team spirit形象化，我哋嘅職責係要帶動氣氛，鼓勵參加者出嚟玩。」Guy會因應培訓的要求，在遊戲中加入不同的討論環節，讓玩者互勵互勉，檢討得失，從中加深認識，建立團隊精神。
同學輪流射兩箭，拍掌接力，加強團隊精神。
「原本改公司名為Master Archer，中文名叫攻防箭， 約1年後將公司改名為Master Edutainment。除咗搞攻防箭外，仲想引入更多嘅遊戲。」老闆Guy和 Jason現引入了旋風球、泡泡足球及Lego Serious Play等遊戲，當中「旋風球」是從台灣引入，成為旋風球的香港獨家代理，更是台灣地區以外唯一獲授權的經營商，將當地的教練制度引入香港；Lego Serious Play則是一個透過堆砌Lego積木，提升員工的想像力，加強團隊建構及問題解決的能力。
教練也會引領同學，一起討論「箭」局。
愛玩去創業
Guy在理大修讀IT，Jason則在理大修讀財務，大家是宿舍朋友而認識，他們都愛玩，由讀書至08年畢業後，已玩勻工廈裏所有的遊戲場所。亦因為玩，令他們產生創業的念頭。「Master Archer喺美國已經有人玩，但香港一直冇乜人知，因電影《飢餓遊戲》嘅關係，畀多咗人認識，更有人引進香港。我哋有試玩過，覺得搞手可以帶得好啲。」
攻防箭玩者需佩戴面罩，以策安全。箭頭用泡沫物料製造，即使被射中也不會感到痛楚。
Guy自少有參加童軍活動，每個星期都帶小朋友玩很多遊戲，「我覺得Master Archer可以用唔同嘅方法去玩，或者由我去帶，可以玩得更加過癮。」Guy和從事銀行業的Jason商量，計過數後，覺得創業只是租場地，投資金額不算大，可以一試，他便辭去IT工作去創業。「我哋向美國開發商申請，得到授權將遊戲帶入香港。」
同學們以充氣障礙物作擋箭牌，猛力迎「箭」。
最愛team building
在15年初剛開業時，公司只租了一個迷你倉，透過網站和facebook宣傳，有活動便將器材搬到場地。Guy說：「經營約半年後嘅暑假，慢慢見到公司、NGO及學校對攻防箭有需求，通常用嚟培訓員工ice breaking、建立team spirit等。我同Jason都好鍾意設計遊戲，亦想將一啲意義帶入遊戲裏面，覺得呢個係我哋發展嘅方向。」多了團體客，亦開始錄得盈利，現他們已在工廈租用一個400呎的辦公室，物資也擺放於此。
玩完攻防箭後，各準領袖生檢討得失，從中對各位加深認識。
現時Master Edutainment有8成是兼職員工，Guy說：「兼職通常請修讀社工、運動及心理輔導嘅大學生，佢哋會接觸多啲人，對帶遊戲有幫助。」所有員工初入職時，Guy都會教他們怎樣玩攻防箭及其他遊戲，講解當中的規則，如何利用裝備及與組員建立關係，怎樣投入去玩。
Guy不但安排整個攻防箭的流程，還會親自落場指導玩者。
少合適場地
生意日益增長，他們卻苦惱於場地，無論是攻防箭、泡泡足球或旋風球也是。「有好多客戶想玩，但好多時都因為搵唔到場地要延遲活動，甚至告吹。一般活動起碼需要一個籃球場大嘅場地，我哋book唔到康文署嘅場地，限制好大，我哋只能搵工廈嘅室內足球場或NGO嘅運動場地，其實只有灣仔、觀塘及油麻地有類似嘅場地提供，或者要去渡假營等郊外嘅地方。部分公司嘅企業培訓，就可以喺酒店嘅康樂設施或ballroom舉行。」
旋風球乃結合網球、棒球和羽毛球的新興運動，是Master Edutainment的主力推廣遊戲之一。
Master Edutainment目前以攻防箭及旋風球最受歡迎，攻防箭佔生意額約6成，其餘為旋風球和Lego Serious Play等遊戲，一般25人以下活動，每小時收費約$2,000。Guy說：「嚟緊會引入多啲大型遊戲，再配合唔同嘅小遊戲作為配套，可以變化成唔同嘅programme，去達成客戶想要嘅培訓目的。」
Lego Serious Play是借助砌Lego，培訓team building及創意。
老師溫sir表示：「同學從玩攻防箭中可睇到自己嘅潛能特質，好似邊個領導能力較好，可以籌備、安排及畀到指令，亦睇到邊個肯無私付出去幫忙執拾、幫忙提點等， 同學之間可取長補短。」
社工陳sir表示：「活動之後，同學間會有分享，會知道團隊裏面需要改進嘅地方，知道點樣去達到團隊合作性嘅目標，符合我哋搞呢次活動所預期嘅目的。」
參考資料：青雲路
