夫婦設計AR喜帖 從撞板中學習經營

賓客透過app掃描，便可看到立體的新人在喜帖上說話，十分有趣。他們指隨着科技的普及，大家對AR喜帖的興趣有所增加，把喜帖由平面帶到立體，令新人與賓客的距離拉近，提高互動性。

Coby和Roy表示城堡場景最受客人歡迎，Coby說：「客人鍾意童話類型嘅主題，除咗城堡外，遊樂場都好受歡迎。」

製作AR喜帖起家的Roy和Coby，已結婚近4年，他們回想創業之始，只為了讓自己的婚禮能別樹一幟，「為型囉！因為5年前喺設計活動上，初次認識AR技術，外國有人用嚟造喜帖，我哋都好想用嚟造自己嘅喜帖，於是就同Coby學整。」

電影《那些年，我們一起追的女孩》，令很多新人都回想自己中學的回憶，Roy說：「課室場景都有好多人揀，仲有客人會帶埋校服嚟做costume拍片。」課室場景/$3,795起

現時Creote Studio的AR喜帖服務，收費由$3,000起，製作一般需要10個工作天。AR喜帖會提供20個場景給客人選擇，包括城堡、遊樂場、機場、課室、沙灘及舞台等，當中以城堡最受歡迎。Coby表示：「客人可以自行印製喜帖，然後由我哋設計AR立體喜帖嘅部分。首先，佢哋可以揀咗心儀嘅動態場景，再自行準備服裝及道具，我會幫佢哋拍一段30秒至1分鐘嘅短片，內容大致係話畀親友知佢哋要結婚啦，邀請大家去飲。我哋亦可以為客人度身訂造場景，視乎複雜程度而決定收費。」

近年很多客人反映想以旅行地點作為背景，Coby表示：「希臘及巴黎都係近年比較多新人嘅求婚地點，所以佢哋想揀相關嘅地點做喜帖。」希臘場景/$3,795起 AR 喜帖互動性高

用指定手機app掃描平面的喜帖後，在電話中便彈出立體的場景與一對新人，新人更會讀出一段邀請語句，好像與收帖人在對話一樣。Roy表示：「以AR形式邀請賓各參加婚禮，互動性高啲，又可以令人有深刻嘅印象。」

當年因電視劇《衝上雲霄》大熱，故他們設計了機場場景。機場場景/$3,975起

Roy本從事科技市場調查的工作，而Coby則是產品設計師，12年於工作上接觸到AR展覽，而有設計AR喜帖的念頭，Coby表示：「我哋見到示範嘅宣傳品有單張及小冊子等，咁啱我哋計劃結婚，諗到可以應用喺喜帖上，於是就着手研究。」

用手機下載app後，然後掃描喜帖，動畫便會彈出。

Roy和Coby作為自己產品的第一用家，在舉行婚禮時，有不少賓客好奇詢問，見反應不錯，婚禮後更有賓客邀請他們為其製作喜帖，AR喜帖便成了2人創業的契機。Roy說：「我哋check番數據，有7成賓客睇過條片，平均每人起碼睇咗10次，相信大家對呢樣嘢都有興趣。」

Roy負責寫program及app的編程，Coby則負責繪圖及場景設計，「兩個人分工合作做唔同嘅範疇，遇有難題時，就會問對方嘅意見。」

8月參展人流少

13年，他們成立Creote Studio，因2人有編程及繪圖底子，故學習寫app及3D繪圖都很快上手，比起製作硬件，他們覺得了解婚宴市場才最有難度，要在不停撞板中摸索學習。「除咗透過網站及facebook宣傳外，我哋仲參加咗婚紗展。第一次參加婚紗展，因為唔知淡旺季，我哋揀咗全年最淡嘅8月參展，人流超少。」

Roy表示會參與婚紗展做宣傳，「第一年參加時，咁啱揀正8月淡季，現時會揀旺季，即冬天11月至3月期間，接觸多啲客人。」

但這次經歷卻為他們帶來了意外的收穫，Coby說：「我哋打算先以B to C形式宣傳，但人流少，喺冇客嘅情況下，反而畀到機會我哋與同場嘅緍紗鋪及酒店負責人交流，促成日後合作嘅機會，變咗由B to B開始。」客人在酒店擺酒時，會附送AR喜帖服務，令Creote Studio的曝光率增加，同時得到穩定的客源。

Coby主力替客人拍攝短片，「有時客人會好拘謹，我會先同佢哋傾偈熱身，講吓笑，等佢哋放鬆心情，然後就會表現得自然。」

沙灘景冇人吼

先是宣傳與預期效果不一樣，連客人口味都要慢慢揣摩，Roy表示最初只有7個場景供客人選擇，「參加咗兩年婚紗展，客人通常表示鍾意浪漫嘅場景，我哋就設計城堡、希臘及巴黎等場景，我哋仲設計埋沙灘，諗住實大賣啦！點知到現時為止，只係得一個客揀過沙灘……」

短片需在綠幕攝製，方便後製時進行退地步驟，Coby會先提醒客人勿穿綠色衣服，「除咗唔好着綠衫外，道具都盡量唔好帶綠色，試過有客人帶咗紥花有綠葉，我哋惟有喺後期tune色，都搞咗好耐，所以要盡量避免。」

除了沙灘的例子外，Coby指亦有場景是意料之外受歡迎，「課室景嘅受歡迎程度僅次城堡，有啲客仲會帶埋校服嚟拍片，可能嗰排電影《那些年，我們一起追的女孩》好hit，所以就多人揀。」明白了時令主題會大賣的道理後，他們會多留意電視及電影流行甚麼，而進行場景設計，如播映劇集《衝上雲霄》時，他們便推出機場景，反應不俗。

創業之初，除了學習寫app外，還要學習拍攝技巧，Roy表示：「打燈技巧及拍攝方法都要慢慢學，現時我哋租用嘅co-working space，有埋studio提供，器材都幾充足。」

後製不是萬能

每次拍攝前，Roy和Coby都會先與客人詳談，一方面了解他們的故事，一方面提供可行的拍攝方法，Coby表示：「與客人溝通最大困難係，好多人都會以為後製係萬能，執瘦拉長嘅效果都以為好容易做到。但我哋會盡量解釋及盡力做到客人想要嘅效果，試過有位客人話想喺鏡頭外行入鏡，但當key喺張咭入面時會cut走塊面，所以我會提議佢哋原地跳一跳，之後再幫佢哋剪成跳入鏡嘅效果。」

Roy每提起沙灘場景都感到不值，「我哋初初設計沙灘場景覺得好靚，但估唔到好少人揀，至今只係得一對新人揀過。可能畫面感覺太熱，吸引唔到客人。」沙灘場景/$3,500起

生意漸漸上軌道，現時每月約接20單喜帖生意，客人以20至40歲為主，旺季為冬天月份。Roy表示發展喜帖生意的同時，他們亦與復康中心、老人院及電影公司等機構合作，製作AR、VR及MR的用品、儀器及宣傳品，月賺約8萬。雖有點成績，但他們亦希望與時並進，「香港人一提到AR及VR時，都以為只係遊戲上用到，但其實外國可以將AR應用喺建築、醫療及工程上，希望日後能夠同更多機構合作，研究AR喺實用層面嘅可行性。」

除了以AR呈現立體喜帖外，他們還推出相集，Coby說：「用婚禮嘅相製作相集後，有啲片段特別想重溫，好似酙茶及行禮，用app scan張相，就可以即刻睇到條片，好方便。」

資料來源：青雲路