去年世界綠色組織聯同獅子山青年商會公佈「都市人使用抹手紙習慣調查」,估計全港一年被用的抹手紙總重量達27,330噸,足足等於1,709輛雙層巴士,及砍伐逾46萬棵樹!要救救地球,就要從源頭入手,因此歐美甚至國內,環保紙巾愈來愈普及,世界各地陸續出現用蘆葦、蔗渣、植物纖維及再造紙等,不過近年比較普及的環保紙巾,是竹漿紙巾。今年25歲的Tim,眼見竹漿紙巾在港仍未普及,決心在香港發展這門生意,為環保出一分力,剛於上年12月開創Pure Bamboo,他走勻全港藥房,成功找到百多個零售點,甫開業便先拔頭籌,月賺2萬多。

 

Tim說10年前已有製造竹漿紙巾的技術,約5年前內地和海外都開始有推出市面,他認為環保是一個趨勢,希望香港市場也會接受。

日常生活用的紙巾及抹手紙,一般都由白色木漿紙製造而成,傳統紙漿的漂白過程中,或有機會產生致癌的二噁英,損害人體健康,加上原材料由砍伐樹木得來,一棵樹最少也要5至10年才能成熟造紙,砍樹對環境傷害甚深。

Pure Bamboo竹漿紙巾分迷你裝10包裝(建議零售價$29)及家庭裝4盒裝( 建議零售價為$23)兩款。

Pure Bamboo的老闆Tim表示近年有不少環保紙巾推出,其中一款就是竹漿紙巾。「竹係草本植物,成長週期約2至3年,而且栽種一次後能多次砍伐使用,唔似斬樹要連根拔起,符合可持續發展。喺製作過程中,唔會加入添加劑、熒光劑及漂白劑,好少污染及廢水排出。加上竹纖維嘅吸濕能力強,抗菌抑菌,有除臭嘅作用,適合有鼻敏感人士、孕婦及小朋友使用。」

竹漿紙巾( 右)比普通紙巾的顏色偏黃,因此不少人以為竹漿紙巾較嚡身,但其實質地一樣柔順。

Tim於澳洲阿德萊德大學修讀會計,14年畢業後回港,先後到核數、銀行及獵頭公司任職。「畢業後,我一直想趁年輕創業。有次同朋友去四川成都玩,見到當地竹漿紙巾好流行,餐廳枱面見到,大型超市及便利店亦有得賣,竹漿紙巾喺超市嘅紙巾類產品當中約佔3成,仲有唔少品牌。」

竹漿紙巾跟其他紙巾一樣,都是3層。

的士司機都話正

Tim說在坐的士時,連司機也用。「我問司機點解用竹漿紙巾,佢話係純天然冇漂染,仲好環保。我話竹漿紙巾貴最少1成喎,但佢答紙巾係自己用,要用靚貨,貴啲都值得。」

採訪當日,Pure Bamboo的竹漿紙巾放在藥房的當眼處,迷你裝只賣剩一包。

這次遊歷勾起Tim的好奇,他覺得這種淺啡色的竹漿紙巾,質素與平日用的白色紙巾沒二樣,後來他翻查資料,發現竹漿紙巾有不少好處,便想由國內引進香港試市場反應。「返到香港問過身邊唔少人同事朋友,好少人聽過竹漿紙巾,亦唔知道喺乜嘢地方流行。」

熊貓頭是Pure Bamboo的吉祥物,宣傳時會出動這個標誌。

Tim便決定辭職與兩位朋友創業,其中一位是生意人,他有物流等配套可支援這門生意:另一位是內地律師,他可幫忙處理內地的法律文件及合約,他們合共籌集7位數字作創業的儲備基金。由籌備至開辦Pure Bamboo,前後花了9個月時間,Tim說:「我之前喺獵頭公司、銀行工作,與紙巾業完全無關,屋企嘅紙巾亦唔係我買,所以我要花時間去了解香港嘅紙巾市場及行業,好似運輸、包裝、設計等整個流程,要計好數先算準備妥當。」

採訪當日,Pure Bamboo的竹漿紙巾放在藥房的當眼處,迷你裝只賣剩一包。

四川廠有國際認證

Tim曾去過廣州多家紙品廠考察,雖然成本較低,但感覺紙巾質素未如理想,「現時選用位於四川嘅紙廠,喺國內屬中至大規模,佢哋生產嘅竹漿紙巾參考台灣、美國及內地嘅標準,仲得到美國FDA(食品藥物管理局)及歐盟AP兩大國際食品級嘅安全認證。」運輸及報關方面,則交由物流公司一站式處理,以貨櫃形式運往香港,並處理香港送貨,最快早上收到order,下午便送到藥房。

售賣點放置「彈出」的標誌,突出產品。

有部分竹漿紙巾有經漂白,但Tim覺得原色最能帶給客人最天然的感覺,亦最夠gimmick!至於包裝設計,他找來朋友Jennifier幫忙,她說:「最初稿嘅包裝係有黃有綠,希望吸引顧客,但經討論後,我哋覺得賣嘅唔只係產品,仲係一個概念,所以包裝走簡約風,圍繞竹漿紙嘅淺啡色顏色嚟設計。」

Tim找來Jennifier設計包裝,她說迷你裝方便放入手袋、汽車,而家庭裝則適合家居、公司。

經Tim研究後,認為藥房是紙巾產品最大的速銷位,藥房對品牌是很大的考驗,故決定以藥房作起步點。「以前我打office工,現在要行街,個幾月走訪超過3百間港九新界藥房,介紹我哋嘅產品,可唔可以畀呢個新品牌上架。」

榮華參茸中西藥房(美孚)負責人洪先生說:「有時賣晒後有啲客會問呢隻紙幾時到貨,我都問過啲客,佢哋話幾好用,冇乜紙碎。」

住宅區反應好

初時不少藥房都拒絕他們,尤其是旺區的藥房。「好多藥房嘅負責人話冇地方擺,有啲就話雖然呢款紙巾質量好,但冇信心客人會接受淺啡色嘅紙巾。不過美孚、沙田、將軍澳等區域,藥房主要做街坊生意,佢哋都肯試新嘢,反應會較好。」結果Tim花費了不少唇舌,至目前為止得到超過120間藥房作為零售點。

顧客羅先生說:「試過後覺得質素唔錯,比較堅韌,吸水力幾好,而且用竹造無添加,比較環保。」

Tim期望今年品牌先透過藥房,讓更多香港人認識。「好多人都鍾意去藥房買日用品,放喺藥房賣,都好容易入到屋。」Pure Bamboo的竹漿紙巾分迷你裝10包裝及家庭裝4盒裝抹手紙兩種,建議零售價分別為$29及$23,上月每款約各賣超過2萬盒,3月更會推出手包裝紙巾,希望能吸引更多人使用。

參考來源:青雲路