釘王後代唔撈地產　斥百萬中環開飯卷店

沒有釘王當年的霸氣，表情和身體語言都帶點靦腆，理工大學酒店系出身的凌俊仁，實習期間便接觸飲食業，所以決定創業開快餐店。不過就算有明確的目標及計劃，其父凌志堅卻不睇好，因為「佢(父親)睇唔到個前景。」

身為富三代明明資金雄厚，卻選擇同人夾份投資約120萬元，自己出資60萬元成為大股東，選址在中環利源西街、面積僅容納20多人、月租約5萬元的地舖。原因好簡單，「因為唔喜歡做大型餐廳，且想降低投資金額。」

Chotto Maki的舖面不大，面積僅容納20多人，而月租則要5萬元。

雖然是大股東，但遇上意見分歧時都並非一言堂，「實會有一、兩個意見唔同，實會有磨擦，我其中一個partner 成日都話要轉啲咩轉啲咩，我覺得合理嘅，但你知廚有佢地自己的意見，我就叫佢(partner)比多啲時間，你想轉呢樣野，你講左佢會聽，但你唔好期望佢即刻轉。我就係中間人，我要令到佢地所有人個關係唔可以有破裂，是但一個人有拗撬，就好影響成間餐廳的運作。」

為了貫徹快餐個理念，便參考麥當勞的餐牌，「而家(餐廳)1至12號個item已經Set好咗，因為我想學到麥當勞個形式就喺，人地淨鴞記得我地呢幾款啲卷物。」仔細一看Chotto Maki的餐牌可見主打的卷物無論是大卷(4件)或細卷(8件)均一律68元，價錢親民，皆因曾被人投訴，「有一台坐喺到，黎過幾次，之後一加價，佢地真喺試過發脾氣，佢話你啲野越來越貴。」

Chotto Maki 主打的卷物無論是大卷(4件)或細卷(8件)均一律68元，價錢親民。

雖然他有心搞餐廳，但因為受濕疹影響，未能下廚，不過好多事都識做，「所有野我都熟悉，由切壽司、切青瓜。」所以最後選擇與客人最多交流的收銀工作，期間有名客人令其印象最深刻，「有個西班牙的女仔黎到，真喺唔識講英文，我真喺用左成15分鐘的時間先說服左佢買一條卷，喺要好有耐性。」

首次創業的凌俊仁坦言，「由搵舖、搵師傅、搵裝修、統統都係好困難的事，其實最困難係搵師傅。」他指自己好彩請到如今的大廚，因為大多日本師傅都有原則，往往不會接受改變，「見咗10幾個師傅先真係請到我而家呢個大廚。」目前快餐店有3名全職及1名兼職幫手，每月人工支出約10萬元。

目前快餐店有3名全職及1名兼職幫手，每月人工支出約10萬元。

Chotto Maki於今年初開業，至今已近半年，凌俊仁表示，開業第2個月已經收支平衡，其後開始有錢賺，平均每月營業額達30萬元，這一成績已令「我老豆(凌志堅)都已經真係跌晒眼鏡」，本計劃擴張，但卻被天價舖租一個迎頭痛擊。他灰心地說「因為舖租好貴，搵左好耐舖都搵唔岩，決定放低一陣先。」他透露，原打算在尖沙嘴加連威老道一帶開分店，不過舖租約要13萬元。

凌俊仁表示，開業第3個月後已有錢賺，平均每月營業額達30萬元

參考來源: ecjobs青雲路