開學校教最新網頁技術 年賺百萬
香港的資訊科技行業，比起外國可能未算發展成熟，但應用的層面卻愈來愈廣，不斷進步，故市場對電腦科技人材十分渴求。修讀物理及電腦的Jack，見市場上對電腦編程及網頁設計的培訓課程，內容未能貼近市場需要，費用也難以負擔。故他看準時機以此為創業契機，開設鬍子科技學院，推出價錢實惠，且教授最新編寫網頁內容的課程，讓有興趣的人士報讀。此外，他更為屈臣氐集團、Shiseido及利豐集團等機構提供培訓服務，並為不同品牌製作網頁，現公司年賺百萬。
Jack笑言自己很懶，但看到他鑽研網頁的製作途徑、教學方式及公司宣傳方法所花的努力及時間，可見他對IT行業的熱誠和毅力。
訊科技知識的更新速度日行千里，但市場配套未能跟上步伐，業界人士要保持接觸最新最快的技術確是吃力。鬍子科技學院負責人Jack表示：「好多人都唔知喺邊度接觸到新嘅技術，就算市面上有工具書，但出版得嚟，已經outdated；另外，坊間大部分機構仲教緊好基本又過時嘅內容，好似flash技術，其實apple已經唔支援好耐。新嘅資訊好似網頁動畫、CSS 3及深入嘅wordpress知識，又好難搵嚟學。」即使找到相關課程，價錢卻過於昂貴，未必人人負擔得起。
鬍子科技學院的網站當然都出自Jack的手筆，是現行的成品宣傳，他表示：「頁面加入動畫，可以增加與客人嘅互動性，容易吸引大家睇入面嘅內容。」
今年28歲的Jack ，13年在浸會大學物理及電腦系畢業後，便當上了編程員，創業的契機是來自同事的一次見聞，「有次同事參加咗Rails Girls活動，目的係想推廣女仔都可以做編程員，同事發現活動上有好多人有興趣報讀為期半年嘅網站編程課程，就算費用高至7至10萬都肯報名。如果我哋嘅收費比佢哋低，又教到緊貼市場嘅知識，其實都有得做。」
課堂採用小班教學形式，Jack表示：「學員男女平均，年齡由16至70歲都有，當中有學生、從事銀行、人力資源及設計行業嘅人士。每班約6至7人，學員會容易吸收課程內容。」
Jack於14年自立門戶，開設鬍子科技學院，一邊接網頁設計的工作，一邊開辦與時並進的網頁設計及編程課程，「除咗一般嘅程式編寫技巧外，我仲會教學員用模版製作個人及公司網站、用CSS 3造動畫效果、CMS系統、html運作、Front End外觀與功能關系等深入嘅知識；進階班仲會教砌網頁layout及Back End系統嘅知識，呢啲題目喺坊間都好難學到。」
除了教授網頁課程及為公司作內部IT培訓外，鬍子科技學院還會為機構製作網站，包括外國年輕時裝網上雜誌hashtaglegend及品牌eq:iq。Jack表示：「網頁嘅外觀好重要，簡潔嘅layout會畀到人專業及可信嘅感覺。」
坐言起行的Jack，當天就造了一個網頁，半試驗性質地試市場反應，「喺facebook落廣告冇乜效用，花咗$2,000落廣告，只得一個人報讀；但買google關鍵字，兩星期就有3至4個客，當中竟然有公司客搵我幫手做內部培訓，反應幾好。」
於是，Jack着手研究使用google關鍵字的宣傳技巧，「我不斷做統計，邊一啲字眼搜尋率高之餘，報名率都會高，然後秉棄冇咁準確嘅字眼，好似搜尋『網頁設計教學』嘅流量係好高，但報名率低；搜尋『網頁設計課程』嘅報名率就會高啲，我會因而作出調整。」
Jack表示時常保持認識新資訊很重要，每有新發現時，他都會與同事分享，讓大家瞭解並學習最前線的技術。
因有之前工作的實戰經驗，故Jack對網頁廣告設計都有一定心得，「要吸引到客人用新公司嘅服務，就要畀到信心佢哋，所以喺外觀及字眼上都要注意，好似用字要集中放大賣點，同埋要加真實嘅用家意見，增加信任程度。」
在Jack的努力宣傳下，雖然令學員上升約2成，但到真正教班，卻又遇上困難，「坦白講，初時真係教得唔好，因為唔知學員各人嘅程度，有啲連網頁係由一層層組成及每頁URL都唔同，基本知識都唔識，所以唔識點掌握教學內容。」Jack惟有由最根基如html的流程開始教起，「遇有資質好嘅學員，課堂就畀多啲練習佢做；未追上進度嘅就畀多啲練習佢哋喺屋企完成，慢慢就拿捏到因材施教嘅技巧。」
學員Tricia表示：「我從事資訊科技行業， 近年多咗女仔做編程員，我想進修一下網頁設計。我見坊間好多課程都偏向簡易，但呢度嘅課程內容涵蓋範圍大，上堂時會講好多Front End及Back End嘅關係，概念清晰咗好多，對工作上好有幫助。」
現時接公司網頁製作及提供網頁培訓業務各佔一半生意，課程收費比坊間其他同類型機構約平2至3成，Jack表示：「現設有基礎班及進階班，一個月課程每位收費$2,980，共4堂，每月約開6至7班。」
鬍子科技學院自16年起便年賺過百萬，「我會令公司員工及自己，時常保持學習最新嘅科技，例如留意Webdesigner Depot呢類網站，多接觸外國市場所用嘅技術。就算有人抄我哋嘅教班內容，都希望做到最好。」
Jack去年推出《90後的半退休生活》一書，內容是分享科網創業的注意事項及製作網頁的宣傳方法等，他表示出書令公司的曝光率增加，報讀課程的人數明顯有約3成增長。
Jack表示在市場上仍需要很多IT人才，故建議想入行者，必需時常留意最新資訊，保持自己的競爭力，「修讀過電腦科目一定有優勢，自學都冇問題， 但要做多啲網頁嘅portfolio畀人睇。」現時Jack年薪約40萬，而坊間的編程員月薪約為$15,000至$17,000。 鬍子科技學院 mtache.com
參考來源：青雲路
