28歲老闆唔做銀行轉行開模型舖 老婆阿仔幫手看舖撐：「無轉錯行」

Kenji和老婆全職開模型店，他們育有一子一女。

 Kenji讀書時期已和模型結緣：「細個舅父好鍾意砌模型，第一盒模型好記得係佢送，1／144雙頭龍高達。」當時網絡資訊不是太發達，靠看模型雜誌學習技術，中學時見到書內有介紹模型比賽，心想自己技術不差或有力一戰，誤打誤撞，做了兼職模型店店員：「拎住個參賽作品去模型舖買盒裝，當時看舖店員就問我有冇興趣教人砌模型。」

2009年第一次參加比賽獲得學生組亞軍。

當時模型導師原來在香港頗為吃得開，Kenji透露兼職收入不錯，勤力點基本和正職差不多，也因此畢業後第一份工也在朋友開的模型店幫手。不過香港玩具界競爭越來越大，大舖打起減價戰，細舖生存空間縮小，Kenji也在這時經朋友介紹，選擇轉行做銀行：「櫃台、企問口sell客，做過不同工作，收入穩定，在大公司都學到很多有關知識，不過嗰時開始諗，係咪咁就做一世。」Kenji覺得做銀行或者幫人打工，sell客要追數，但努力追數又不代表會加人工，創業不管是賺是蝕，都由自己一力承擔。

除了賣模型，店內亦有工作室供Kenji幫客人代工砌模型和教班。

剛好目前經營的模型舖正是Kenji以前兼職的舖位，業主和他也相識，業主覺得做生不如做熟，想商場繼續有模型店，就問Kenji有沒有興趣接手。當時考慮時間很短，Kenji和老婆商議接手時，Kiko是大力反對的：「嗰時係日日嘈交，我覺得唔好咁搏啦。」不過Kenji覺得機會難得，又想趁年輕搏一鋪，起碼輸了還可再做回打工仔，但做銀行做多幾年就很可能做足一世。決心一下就馬上接租，由裝修、入貨到開店，基本上一個月時間都沒有，銀行的辭職通知期還未過，要全無模型知識的老婆幫手看店：「間舖租咗唔開都係蝕，老婆決定自己頂住先，有乜唔明就電話教路。」

仔仔還未上學，不時也會和爸爸媽媽一起看舖。

須知各式各樣的模型，在女人眼中其實都只有高達和渣古之分：「好多名要記，高達都有OO和ZZ，到依家我都分唔到邊隻係沙煞比同新安洲。」如果另一半和自己喜好相同，對沙煞比和新安洲瞭如指掌，自然浪漫；但另一半為了自己的事業和夢想，嘗試去學習自己不感興趣的新知識，當中又是另一種浪漫。相信很多男生都想和Kenji一樣，希望能找到一個分不出、但講得出沙煞比和新安洲的另一半。

雖然分不清，但說得出新安洲和沙煞比也証明模型太太下了不少功夫。

兩老婆全職開模型店。

目前模型店收入靠賣貨、代客砌模型和開模型班，Kenji指和銀行收入相若，夠一家開支。他覺得玩具店和模型店近年競爭很激烈，大舖客源廣，價錢可做便宜一點，有一定優勢，但細舖憑個性也做得住。說到自己店子的特別之處，可能是超大的陳列櫃：「其他舖頭可能用嚟擺貨，但我會擺自己砌的模型出嚟，有時客人見到都會好奇，都會嚟問教班學砌模型同代工。」老婆坦言看舖頭一個月都十分不滿，但看着Kenji慢慢改變，今天終於也覺得老公沒有轉錯行：「始終都要尊重佢嘅諗法，依家真係開心咗好多，我覺得冇轉錯行。」

店內有很大的陳列櫥窗。

參考來源: 蘋果日報