90後女生開店賣蛋糕　回首感嘆：應多花時間陪伴家人

90後女生阿Fa靠流心蛋糕及雲石蛋糕作主打開店，只為實現一個店主夢。

當老闆這回事，自己決定上下班時間，又可以隨心所欲，在別人眼中看似很不錯。但要離開舒適圈，辭掉穩定工作，踏入未知的區域闖一番，相信需要很大的勇氣。

Miss Marble的招牌雲石流心蛋糕。

90後女生周家韻（阿Fa），眼看身邊的朋友一一追尋夢想，自己亦想圓一個創業夢，於是毅然辭去市場營銷的工作：「我覺得如果諗太多，應該就要等到好老先做到，所以我無諗好耐，就開咗舖啦！」而選擇雲石蛋糕為主打的原因，阿Fa笑笑說：「本身鍾意靚嘢，去旅行見到呢款蛋糕，覺得好靚，於是就試下囉！」

海鹽芝士流心蛋糕

裡面的流心超澎拜！

店內另一招牌蛋糕：雲石流心蛋糕

不少客人會訂製蛋糕慶祝生日。

雲石蛋糕更有雙層！

在負評中成長

在剛開店的時候，由於未熟悉份量掌握，蛋糕總是被客人嫌太甜：「有啲客會企喺門口，大大聲同朋友講：『唔好食呢間舖啊！好甜㗎！』都令我覺得唔知點解要做落去。」但之後阿Fa想通了，並透過努力改善蛋糕，終做出滿意的成品：「當時我對自己說，既然都簽咗約，不如睇曬啲負評然後改良啦，之後我就一次過全部改曬，基本上減咗四五成糖。」有由開店光顧至今的客人，對阿Fa說：「你啲蛋糕真係唔同咗！」令阿Fa覺得努力是有回報的。

每一個雲石蛋糕都是全人手製作，紋路獨一無二。

最介意收工時身體會很臭

創業至今八個月，被問及最辛苦的地方，阿Fa面帶委屈地說：「作為女生，我最接受唔到自己個身好臭！」她表示，每天收工都覺得自己很臭：「我連搭地鐵都驚臭親身邊啲人啊！」更有一次下班後相約朋友，見面時卻被對方直接問：「哇，你做咩咁大陣味嘅！」令阿Fa大受打擊，甚至有想放棄的念頭。

想起外婆，阿Fa不禁哽咽：「我應該要多點陪伴家人。」

反思陪伴家人的時間太少

原來在訪問的前一晚，阿Fa的外婆因病辭世，但阿Fa仍然得留守在店面：「佢今日要去殮房，但我都係完全唔去得，自己都要翻嚟睇住盤生意。」外婆的離開，令阿Fa反思自己過往太少陪伴家人：「婆婆上年開始成日入院，但我太忙好少探佢，」話說至此阿Fa不禁哽咽：「我應該要多啲陪佢㗎。忙還忙，都係要陪屋企人。」

雖然過去錯失很多，但阿Fa仍然無悔開店：「你會問自己到底為咗啲咩而努力，但唔可以忘記開舖嘅原因，係因為你好想有自己嘅夢想。所以要更加努力，如果唔係好對唔住身邊所有嘅嘢。」

參考來源: 香港01