Maxcare自家研發 迷你健身單車

銷售總監Karen與產品設計師Andy花了9個月時間，研發新型號的迷你電子健身單車

「Bicit」，可配合app來使用。

卓維企業(Max Concept)銷售總監Karen說，公司分出口部及本地零售部，出口部分的Max Concept早於91年成立，在內地設廠從事代工設計及生產保健與健身產品，包括按摩椅、健身單車等，但公司一直沒有自己的品牌，也沒有在香港銷售。「直至12年，Max Concept已上軌道，我哋覺得單靠代理去投放市場會比較被動，就決定開設自家品牌Maxcare，現時喺本港有12間分店及加盟店或櫃位，主要售賣Maxcare嘅按摩、健身及美容產品。」

電子健身單車「Bicit」重約3.9 公斤，比第一代「孝心樂」輕，除家居外，亦方便在一般寫字樓辦公枱下使用。

當年已有不少按摩健康用品品牌在本地開設連鎖店，Maxcare相對遲入場，故以相宜價格及不同定位招徠客人。Karen表示：「我哋出口嘅產品，以跑步機等大型健身器材居多，但香港嘅居住空間較細，喺初創品牌時，與設計師溝通後，除咗按摩椅等用品外，仲決定推出細小嘅健身器械，包括電動健身單車。當時市場上就算有小型健身單車，但電動嘅就唔多見。」

第一代只有6個轉速的選擇，第二代「Bicit」 則有12個速度及5種預設程序選擇，前轉後轉、時快時慢都可做到。

日本大賣

09年出了初稿後，便參考客戶的意見再進行調整，後來以海豚作藍本，設計出流線外形。Karen說：「當時第一個客戶係日本嘅『Room March』，佢哋預見日本好需要呢類產品，花咗好多心機去推廣，邀請當地馬拉松選手做廣告代言人，令市場佔有率做得好好，現時差唔多壟斷日本市場。」

透過手機app，可看到玩者踩單車的時間、速度、距離及消耗熱量等數據。

10年，電動健身單車取得歐洲認證，正式拓展歐洲市場。到12年，公司以Maxcare品牌回歸香港市場。「喺Maxcare旗下，健身單車叫『孝心樂』，每部賣9百幾蚊。最初我哋喺領展嘅商場做展銷，貪人流嘅年紀較大，第一次喺黃大仙擺攤位，居民反應好好，有好多子女買畀父母。」第一代健身單車已成店內的長青產品，至今全球累積銷售過百萬部，每年營業額達1,500萬港元。

第一代健身單車較專注為老人及復康市場去設計，只需選擇適合速度，使用者無需費力踩單車。現售$1,280

至於第二代的「Bicit」，是由27歲的產品設計師Andy設計，他在修讀理工大學產品設計系畢業後，加入公司年多，工作中設計過多項產品，當中Bicit由設計、初模、調整至完成等輕人一邊玩手機一邊運動。另外，單車會有一個記錄儀，記錄單車嘅路程、時間及消耗卡路里等。」此外，Bicit亦可選擇速度、時間、距離及消耗熱量等數據，稍後更會推出一款智能手環，玩者戴着使用Bicit，便可連心跳速度也記錄在手機app內。

Andy說設計他不熟悉app的平面artwork，如icon的大小、顏色等，怎樣弄得易明易用，是其中一項大挑戰。

眾籌收集意見

今次推出第二代， 早於17年10月到Kickstarter眾籌。Andy表示：「其實以公司嘅實力係唔需要眾籌，但眾籌係一個受年輕人歡迎嘅平台，喺推出產品前，我哋可以得到市場嘅意見。當時眾籌目標約24萬港元，最終籌到約27萬元，其實造套模都唔只呢個價，反應算相當唔錯，收到唔少用家嘅評價，好似有用家話佢媽媽唔識用手機app，我哋就加推一個使用遙控嘅型號。」

Andy指手機app可以幫到家人，去檢查老人家有沒有真的去踩單車。此外，這次眾籌亦吸引了FOX、NBC、ABC等媒體去報導，「有外國嘅商人喺香港秋季電子產品展睇到Bicit時，話睇過有關報導，咁會較容易傾成訂單。」

Maxcare主力售賣按摩用品，Andy和Karen不時會巡店，看看按摩椅等產品上會否有修繕之處，待下一次開發時加入新元素。

Bicit約在4月推出，於Maxcare有售，定價約$1,600，海外版本則透過當地代理品牌推出。Karen說：「香港店有唔少內地顧客，工廠亦設喺國內，所以現時開始嘗試喺網上銷售，開拓內地市場。」此外，有德國及韓國的客戶，想把Maxcare帶到當地，現在仍洽談中。

點入行？

Andy說目前香港理工大學、香港專業教育學院、大一藝術設計學校及香港設計學院等都有提供產品設計課程，修讀後可入行，可按能力、作品、經驗及年資晉升，從產品設計助理、產品設計師升至設計總監。初入職設計師薪酬約$16,000，公司或按產品再分紅，至於頂級設計師如Apple的工業設計師，年薪超過百萬。

參考來源：青雲路