搭棚要認真 開公司接工程生意
香港大廈林立，街道上不時看到工人在高空棚架上工作，不知你們有否看到心驚驚？其實每個棚架也是經由有經驗的師傅搭建，經得起風雨的考驗。80後的Kopo（高寶聰），中五畢業後便加入搭棚業，到現時已有18年搭棚經驗，在14年，他成立寶高工程（香港）有限公司，主力接棚架搭建工程，憑着豐富的經驗，及對紮棚工序的認真態度，為工人提供一個個穩建的工作平台， 搭出屬於自己的一片天。
入行18年，Kopo憑着認真的態度，及純熟的手藝，令他得到不少搭棚工程。「個棚一定要夠穩陣，工人要喺上面做嘢，安全最緊要。」
採訪當日，Kopo正在九龍塘的住宅進行棚架視察，「呢度進行緊外牆維修工程，需時約8個月，我哋負責搭棚嘅部分。10平方呎乘10平呎稱為一井，呢度嘅棚架體積有十三井，我哋用咗5日時間搭成，交貨之後，每14日我哋會派人嚟睇個棚架有冇事，竹及蔑有冇磨損，如果有就要進行更換，確保為工人提供一個安全嘅工作平台。」
Kopo表示以前沒有竹倉，每次搭完棚就要掉。「搭完竹棚嘅竹係可以回收再用，現在我哋有竹倉去擺放，不過竹都有使用週期，約2年就要換批新。」
寶高工程公司主要提供棚架搭建工程服務，身為老闆的Kopo表示：「我哋主要與維修保養嘅工程公司合作，佢哋接到工程後，如果需要搭棚就會搵我哋，好似清洗玻璃、換冷氣、舊樓翻新、商場維修等，所有屋宇商場都會做。我會喺施工前進行評估，然後分配人手，自己都會落場幫手搭棚。」
Kopo表示一個穩固的棚架，除了對師傅有技術的要求外，對竹也有講究，「如果用青色嘅竹紮棚，佢哋太新，入面水分仲蒸發緊，支竹會收縮，棚架間就有空間產生，會容易鬆脫；灰色就代表太老，承托力唔夠；黃色嘅竹已經收晒水，承托力較高，所以每次紮棚前我都會檢查啲竹先再用，因為工人能唔能夠安全工作，就係睇我哋搭得穩唔穩，所以唔可以馬虎。」
Kopo表示搭棚最好用黃色的竹，承托力最好。
由學徒做起
今年35歲的Kopo， 從事搭棚業已有18年，「自己嘅會考成績唔太好，屋企人叫我去學門手藝謀生，咁啱朋友話識搭棚師傅搵緊學徒幫手，我就咁入咗行。初時工作都係搬搬抬抬，遞工具畀師傅，呢段時間師傅就係睇緊自己勤唔勤力，再決定教唔教我嘢。做咗約半年，先有機會上棚，學習紮棚嘅技巧。」
肯學肯做的Kopo，用了3年時間便考到大工牌做師傅，「搭棚主要分吊棚及排柵，吊棚係指懸空搭建嘅工作棚架，而排柵就要由地面開始搭上去，視乎客戶嘅要求。吊棚嘅難度最高，試過喺40層樓高嘅天台吊落去三十幾樓搭棚，其實做落就唔會驚。」
Kopo現接大小的搭棚工程，如圖中位於九龍塘的住宅，外圍的棚架搭建便是由他的工程公司負責。
搭棚常常要進行高空工作，雖然每次工作都做足安全措施，但Kopo亦發生過意外。「當時我仲打緊工，有次搬竹時冇發覺對鞋踩到啲油，上咗棚之後就跣腳，失足跌咗落木方，都有成半層樓高。雖然有安全帶冇跌到落地面，但肋骨有少少裂咗，要休息兩個月，呢次之後我就更注重安全嘅工作環境。」
採訪當日，Kopo到九龍塘視察棚架結構夠不夠穩固，「每14日要嚟睇一次，如果發現竹及蔑有磨損，就要更換。」
為將來開公司
12年，Kopo成家立室，為了將來的打算，令他在14年創立寶高工程，「現在體力及身體都應付到，但諗到之後年紀大，唔想再上棚架先搵到食，於是想建立自己嘅團隊，就決定出嚟成立公司，主力接棚架工程。」
為了將來，Kopo開設工程公司，現不時要負責處理文件等工作。
創業初期，Kopo表示要半打工半打理自己生意才能糊口，「起初客人唔多，都係自己一腳踢，每日搭棚後，夜晚就處理文書，上單報價等，自己唔擅長，身體又好攰，嗰段時間最辛苦。之後入咗BNI商會，諗住跟啲老闆學點做生意，點知入面有啲老闆見我嘅工作態度及手工唔錯，開始介紹工程畀我，慢慢儲到客。」
現時寶高工程有5名師傅，每月約接80至90單工程，Kopo表示計劃公司有更多不同的發展，「現時寶高工程有5名師傅，每月約接80至90單工程，Kopo表示計劃公司有更多不同的發展，「現時主要係搭竹棚，其實我哋考咗牌，可以搭建金屬棚架，金屬棚架負重較高，而且搭成後可以移動，適合大面積嘅工程，多數係商場工程會用到。希望日後可以接多啲呢方面嘅工作，令公司有所發展。」
Kopo凡事親力親為，不時親身落場工作，包括將竹運到場地。
參考來源: ecjobs青雲路
